جراح العمر المدير العام
عدد الرسائل : 276 الموقع المفضل : صدى الايام كيف تعرفت على المنتدى : بعدين اقولك العمل : الهواية : تاريخ التسجيل : 07/01/2008
| موضوع: بزارين يغازلون أول مرة أشوفها الجمعة فبراير 22, 2008 1:51 pm | |
| --------------------------------------------------------------------------------
السلام عليكم ورحمة الله وبركاته
كنت طالعة مع صديقتي لخريص بلازا اللي بطريق خريص بالرياض ..وطلعنا الطابق الثاني نتقهوى
فوقفنا عند cinnabone نطلب ,, وقف جنبنا ولدين ممكن احكم عليهم من هيئتهم 12 أو14 سنة مستحيل
يكون أكثر ,المهم.. كانو يطالعون يطالعون وأذا بواحد منهم قال: ممكن تاخذين الرقم؟
طبعا انا صعقت بس ضحكت,, والتفتت علي صديقتي ومعاها قهوتنا ومشينا عشان نجلس
فقلت لها :يا حليل اللي ورانا يغازلون <طبعا هم كانو ورانا>
طالعت صديقتي فيهم وكملنا مشينا ....اخترنا طاولة صادة ,وطلبنا من عامل التنظيف
يجيب لنا بارتشن .. سكرنا الجلسة مررة كويس عشان ناخذ راحتنا بالكشف ونتقهوى
شوي وإلا جتنا ورقه طايرة من فوق البارتشن ارتعنا اخذتها وفتحتها ومكتوب فيها<انا بو ناصر وحاب اتعرف وهذا رقمي...............>
ضحكنا ورميناها عشان ترجع لهم
كملنا قهوتنا وجلسنا نسولف ,,شوي والا الورقة مرة أخرى
قالت صاحبتي : مصخوها هالبزارين يبي من يصفقهم,,,وش كاتبين هالمرة؟
فتحت انا الورقه وكان مكتوب فيها:< شوفي تراني صورتكم بالجوال حقي , فاتصلي علي
الحين والا بوزع الصورة وافضح فيكم >
أنا طبعا وجهي صار يعطي الوان وصاحبتي من الروعة قامت تضحك ياعمري
المهم واحنا في لحظة الانبهار..انفتح البارتشن علينا ودخلو البزارين..وقال
واحد منهم:صار لكم ساعة عشان تدقون اعطيكم جوالي""
انا وبكامل روح الروعة والرهبة تغطيت وقلت:أأأطلللع يا ..........
المهم طلعو هم ,,واحنا تغطينا وطلعنا وما ندري وش نسوي
قلت احسن شي نعلم السكيوريتي
وفعلا دورنا عليه ورحنا له وقلنا له السالفة..تدرون وش رد؟؟ قال وهو مكشر ومن طرف خشمة:
دورو عليهم وامسكوهم بعدين نادوني.
صديقتي كانت بتكفخة الا شوي,,قالت له:وانت وش شغلتك دور معنا قبل لا يطلعون من المركز
والصور معاهم والا بروح اشتكي عليك..
خاف السكيوريتي وصار يدور معانا...دورنا دورنا...ولقيناهم
بس بعد مالقيناهم ضيعنا السكيوريتي,,,فقلت لصاحبتي انا براقبهم وانت جيبي السكيوريتي
راحت تدور عليه وانا وقفت ورا عامود عشان مايشوفوني..مسوية فيهاF B I
المهم جت صديقتي والسكيورتي وشخص اخر شكلة مهم بس مدري مين,,أشرت على الولدين
وراحولهم وهي جت عندي. واحنا نراقبهم شفنا وحدة مقبلة عليهم طايرة كنها تعلن عن قدوم حرب
ووقفت معاهم ونسمع صراخها عن بعد كيلو ..طلعت امهم
طبعا احنا واقفين بعيد خايفين من الفضيحة والتجمهر,,وصديقتي تقول: امشي عندهم
عشان ندافع ونساعد السكيورتي .
وأنا اقول : لا أخاف من ذالملسونة تسمعني كلام وانا ما أتحمل.
المهم انتظرنا حتى مشت الام مع بزارينها<ترى اجتهادا مني وفطنة اقول انها امهم>
يوم راحو أقبلنا على السكيورتي وسألناه وش صار قال:فتشنا جوالاتهم ومالقينا شي وطلبنا من أمهم
انها تاخذهم معاها....
طبعا مبين انه نصاب لاننا ماشفناه أخذ الجوال وفتشه,,لكن ماحبينا ندخل بمشاكل معاه
مشينا وطلعنا من السوق وفوضنا أمرنا لله,,,
بس اللي يقهر انه بزارين ويستخدمون هالأساليب .. ورجال أمن مايبادرون بالمساعدة المطلوبة
ما أدري من ألوم أهل الاولاد والا السكيوريتي والا انا وصديقتي والا ...................................
| |
|
سحيم المدير العام
عدد الرسائل : 10 العمر : 29 الموقع المفضل : K.S.A كيف تعرفت على المنتدى : طالب المزاج : تاريخ التسجيل : 18/02/2008
| موضوع: رد: بزارين يغازلون أول مرة أشوفها السبت فبراير 23, 2008 5:11 am | |
| | |
|
جراح العمر المدير العام
عدد الرسائل : 276 الموقع المفضل : صدى الايام كيف تعرفت على المنتدى : بعدين اقولك العمل : الهواية : تاريخ التسجيل : 07/01/2008
| موضوع: رد: بزارين يغازلون أول مرة أشوفها السبت فبراير 23, 2008 8:06 am | |
| | |
|
بنوته$$المافيااا عضو جديد
عدد الرسائل : 27 كيف تعرفت على المنتدى : طالبه العمل : الهواية : تاريخ التسجيل : 05/03/2008
| |
جراح العمر المدير العام
عدد الرسائل : 276 الموقع المفضل : صدى الايام كيف تعرفت على المنتدى : بعدين اقولك العمل : الهواية : تاريخ التسجيل : 07/01/2008
| موضوع: رد: بزارين يغازلون أول مرة أشوفها السبت مارس 22, 2008 6:14 am | |
| | |
|
دفينه في ارض المشاعر*دموع عضو فعال
عدد الرسائل : 65 العمر : 35 العمل : الهواية : تاريخ التسجيل : 19/03/2008
| موضوع: رد: بزارين يغازلون أول مرة أشوفها الخميس أبريل 03, 2008 5:34 am | |
| واااااااااو لدرجه دي كدا وصله الاطفال والله خسرره زمن اغبر حسبنا الله ونعم الوكيل الواحد احتار ايش يعمل مع الناس دي الله يهدي خلقه | |
|